É escenógrafo, técnico de luz e son e músico.
Nacido en Buenos Aires, Nicolás achégase á música sendo cativo e a súa formación é fundamentalmente autodidacta. Desde moi novo pertence ás bandas Killing Devotos, Instrumental querido Watson, 28 miércoles ou Nocra, tocando o baixo ou a guitarra. Xa en Galicia integra á banda de Rock Mental Xhivä. Durante un tempo leva a cabo o proxecto de luthería A Starosta, guitarras y bajos raros.
Na actualidade combina o seu labor escenográfico e musical en Xarope Tulú coa súa actividade como técnico de luz e son para outras profesionais coma o Mago Teto, a compañía de danza Pálido Domingo, Cinema Sticado, o mago Kenneth ou a violonchelista Margarida Mariño.
Ademais do seu labor como escenógrafo en Xarope Tulú, destacan os traballos realizados para a exposición Cabria do artista Diego Vites e a súa colaboración nos murais de Yoseba Muruzábal.
No ano 2024 funda a súa marca de xoiería Bardo e encárgase da construción de monicreques para a compañía Redrum para dous dos seus espectáculos Os contos do Lobicán e Nas Nubes.